அதிகரிக்கப்பட்ட வரிகள் இன்று (01) முதல் அமுலாகும் வகையில் வர்த்தமானி வெளியிடப்பட்டுள்ளது. நிதி அமைச்சர் ரணில் விக்கிரமசிங்கவினால் இந்த வர்த்தமானி வெளியிடப்பட்டுள்ளது.
அரச வருமானத்தை அதிகரிப்பதற்காக பெறுமதி சேர் வரி சட்டம், தொலைதொடர்பு வரி அறவீட்டு சட்டம், பந்தயங்கள் மற்றும் சூதாட்ட வரி சட்டம், நிதி முகாமைத்துவ பொறுப்பு சட்டத்தில் திருத்தங்களை மேற்கொள்ள இவ்வாறம் இடம்பெற்ற அமைசசரவை கூட்டத்தில் அனுமதி வழங்கப்பட்டது.
அதற்கமைய வரி திருத்தங்கள் தொடர்பில் நேற்று செவ்வாய்கிழமை நிதி அமைச்சினால் அறிவிக்கப்பட்டது.
இந்நிலையிலேயே திருத்தங்கள் மேற்கொள்ளப்பட்ட வரிகளை அமுலாக்கும் வகையில் குறித்த வர்த்தமானி அறிவித்தல் வெளியிடப்பட்டுள்ளது.
உடனடியாக அமுலுக்கு வரும் வகையில், பெறுமதி சேர் வரி மற்றும் தொலைத்தொடர்புகள் வரியினை அதிகரிப்பதற்கு அரசாங்கம் தீர்மானித்துள்ளது.
அதனடிப்படையில், பெறுமதி சேர் வரி 8 வீதத்திலிருந்து 12 வீதம் வரையும் தொலைத்தொடர்புகள் வரி 11.25 வீதத்திலிருந்து 15 வீதம் வரையும் அதிகரிக்கப்பட்டுள்ளது.
இதேவேளை, எதிர்வரும் ஒக்டோபர் மாதம் முதலாம் திகதியிலிருந்து அமுலுக்கு வரும் வகையில் இறைவரி, பந்தயம் மற்றும் சூதாட்ட வரி என்பனவும் அதிகரிக்கப்படவுள்ளமை குறிப்பிடத்தக்கது.