தனியார் பேருந்துகளுக்கு தேவையான டீசல் இன்று கிடைக்காவிட்டால், தற்போது இயக்கப்படும் பேருந்துகளின் எண்ணிக்கை மேலும் வீழ்ச்சியடையும் என அகில இலங்கை தனியார் பேருந்து உரிமையாளர்கள் சங்கம் தெரிவித்துள்ளது.
எவ்வாறெனினும் பேருந்துகளுக்கு தேவையான டீசல் அளவு இன்றைய தினத்துக்குள் கிடைக்கும் என்று எதிர்பார்க்கப்படுவதாக சங்கத்தின் பிரதம செயலாளர் அஞ்சன பிரியஞ்சித் குறிப்பிட்டுள்ளார்.
எரிபொருள் தேவையை பூர்த்தி செய்யாவிட்டால் பயணிகள் பெரிதும் பாதிக்கப்படுவார்கள். டீசல் கிடைக்காவிட்டால் பல பேருந்துகள் இயங்காது.
எனவே டீசல் வழங்கும் போது பயணிகள் போக்குவரத்து சேவையில் ஈடுபடும் பேருந்துகளுக்கு முன்னுரிமை அளிக்க வேண்டும் என்றும் அவர் அரசாங்கத்திடம் கோரிக்கை விடுத்தார்.